De Maa im rote Gwand

Kännsch du dä Maa im rote Gwand?

Er träit es Glöggli i de Hand.

Das isch de Samichlaus. Juhee!

Ich han en scho verusse gesee.

De Samichlaus im Chindergarte

Samichlaus Du liebe Maa
Ändlich bisch du wieder da!

Gäll du chunsch vo ganz wiit här.

Das seit au d Frau Altorfer.

Chunnsch cho luege, was mir mached
Wie mir singed, baschtled, lached.

Wettisch du au echli spile?

Also guet. Mir sind ganz stile,

dass es dir bi öis au gfallt.

Für Lärmä bisch du scho chli z alt.

Und wänns dänn äntli Znüni git

Dänn teiled mir! Häsch öppis mit?

Vo de Chliine

Ich bin es Röipli

Ich bin no chlii.

Ich han kei Angscht.

Gäll du gaasch glii!